PROVINCE OF CEBU-Giandam na sa kapulisan sa Compostela police ang Kasong Adultery batok sa babaying magtutudlo nga taga Dumanjug ug sa kabit niini human masakpi sa bana nga nakighilawas sa iyang kabit nga 47-anyos sulod sa usa ka Inn sa Poblacion lungsod sa Compostela.
Matud ni Patrolman Renan Relampagos, ang Desk officer sa Compostela, Police Station, unang midangop sa ilahang opisina ang bana niini nga nag edad og 45 human niya masayri nga misulod ang iyang asawa nga maestra sa usa ka Inn uban sa laing lalake.
Hinungdan nga Alas 4:20 ang takna sa hapon sa Sabado Hulyo 15, 2023 uban sa kapulisan girombo nila ang usa ka Inn sa Poblacion, Compostela ug nakig-alayon sila sa management ug ilang naatlan nga hubo pa ang sapot sa duha ibabaw sa kama.
Daling gidakop si Mam ug ang iyang kabit nga taga Tayud lungsod sa Liloan, usa ka mekaniko ug kasamtangan nga gidala sa police station.
Apan samtang gipaubos sa imbestigasyon ang duha, ang maestra kalit mikuha og liniment oil ug iya kining giyarok nga maoy hinungdan nga gidala siya sa Tambalanan.
Bisan pa man niini mag atubang gihapon ang maestra sa kasong adultery nga ipaska sa iyang bana bisan sa iyang pag suway og kutlo sa iyang kinabuhi.
