Giangkon sa Malacañang nga adunay daghang mga hagit ang nahi-aguman hinungdan nga wala mapatuman dayun ang campaign promise ni Pres. Ferdinand Marcos Jr.nga himuong P20 matag kilo ang presyo sa bugas.
Matud pa sa Palace Press Officer USec. Claire Castro, nga hugot kini nga gitun-an sa mga hingtungdan nga mga ahensiya sa kagamhanan ang maong programa, hinungdan nga karon ra kini gipatuman ug pagasugdan ang pilot implementation sa Visayas.
Mipahayag usab si Department of Agriculture Secretary Francisco Tiu Laurel, nga mag-gahin ang kagamhanan ug sobra 4 Billion pesos nga pundo alang sa rice subsidy.
Giklaro usab ni Castro, nga walay kalambigitan ang pagkunhod sa trust ratings ni Pres. Marcos Jr. ang pagpatuman sa 20 pesos nga kilo sa bugas.
Nanawagan usab ang Palasyo sa publiko nga nindut ang tumong ug tuyo sa programa ug dili kini pamulitika lamang.
