Gitubag sa Malacañang ang labing bag-ong pasangil ni Bise Presidente Sara Duterte nga dugay kaayong milihok si Presidente Ferdinand Marcos Jr. batok sa mga anomalosong proyekto sa pagpugong sa baha.
Gipahinumdoman ni Palace Press Officer USec. Claire Castro si VP Sara nga si Presidente Marcos mismo ang nanguna sa imbestigasyon sa mga anomalosong proyekto, hinungdan nga giimbestigahan na kini.
Siya niingon nga dili kini sama sa miaging administrasyong Duterte, nga wala mohimo niining matang sa imbestigasyon atubangan sa mga insidente sa korapsyon.
Gitumbok ni Castro ang iyang giingon nga pagpabaya sa usa ka higala sa kanhi Duterte administration sa isyu sa korapsyon nga naglambigit og overpriced nga facemasks ug medical equipment nga naglambigit sa pharmally.
Matod ni Castro, dugay na sab nga kalihim sa DEPED si VP Duterte, apan ang iyang gibilin mao ang mga ghost students para sa mga voucher, mga gadgets nga wala magamit ug giabandonar, ug uban pa.
Dugang pa ni Castro kung imong tan-awon kung kinsa ang nagsulti lang ug wala’y aksyon, kinsa ang nagtrabaho ug kung kinsa ang kanunay nga nagbiyahe nga wala’y gitaho nga bisan unsang benepisyo sa ilang mga personal nga pagbiyahe.
Gitataw ni Castro nga ubos sa administrasyong Marcos adunay due process dili sama kaniadto sa Duterte administration nga walay due process, apan ang mga indibidwal nga nalambigit gipatay dayon.
