Nanawagan si Palace Press Officer, Undersecretary Claire Castro, nga respetuhon ug dili himuong kataw-anan ang isyu sa panglawas sa Presidente.
Kini may kalabotan sa pahayag ni Senador Imee Marcos kinsa miingon nga si Presidente Ferdinand Marcos Jr. daw “walay pakialam.”
Sumala ni Castro, dili angay nga himuong kataw-anan o talan-awon ang paghatag og tambag bahin sa kahimtang sa usa ka tawo nga nag-antos sa sakit.
Matod niya, ang kinahanglan sa Presidente ug sa bisan kinsa nga masakiton mao ang sinsero nga kabalaka ug tinuod nga pag-atiman, dili ang pagka-“komedyante o payaso” atubangan sa publiko.
Gipasiugda usab ni Castro nga dili angay nga mag-plastik o mogamit sa mga isyu sa panglawas aron lang makuha ang simpatiya sa kadaghanan, ug giawhag ang tanan nga mahimong responsable ug tawhanon sa ilang mga pahayag.
” Huwag natin gawing biro ang kalusugan ng Pangulo. Huwag maging komedyante o payaso sa pagbibigay ng payo. Totoong puso at pagkalinga ang kailangan ng isang tao na may pinagdaanang karamdaman. Huwag magpakaplastik sa mata ng nakararami,” mensahe ni USec. Claire Castro.
