CEBU – Nasikup ang usa ka 21 anyus nga manager sulud mismo sa establisimento nga gidumala niini human nga gireklamu sa iyahang 17 anyus nga empleyado diha sa lungsud sa Minglanilla.
Gisaysay ni Police Master Sergeant Junel Ater nga midangup sa ilahang buhatan ang biktima hinungdan nga ilaha gilayun nga girespondihan.
Basi sa pamahayag sa biktima, matud ni MSg. Ater nga gisugu kini nga palimpyuhun sa iyahang manager sa pansayan nga anaa nahimutang sa second floor sa maong establisimento ug didtu giingung nahitabu ang pagpanamastamas sa iyahang pagkababaye ug gumikan sa kamingaw giingung wala’y nakadungug sa pagpakitabang sa biktima.
Sa pagkakarun, gipaabut una ang resulta sa pink room arun sa pagsuta kung nakuha gayud ang pagkababaye sa biktima.
Nagtingkagul usab sa Minglanilla PNP detention cell ang nahisgutang suspek.
