Dungan nga nagpahigayon og mga nagkandaiyang panagtapok ang pamilya sa mga biktima sa war on drugs ug ang mga supporters ni kanhi Presidente Rodrigo Duterte sa gawas sa International Criminal Court (ICC) ning Lunes.
Ang managlahing mga kalihokan dungan sa pagsugod sa confirmation of charges hearings sa pre-trial chamber sa ICC batok sa kanhi presidente.
Bisan pa sa grabeng katugnaw, ang mga pamilya sa mga biktima nagmartsa paingon sa korte ug naglunsad og programa samtang naghulat sa livestream sa hearing.
Nanawagan sila nga kumpirmahon ang mga kaso ug si Duterte, ingon man ang uban nga nalambigit sa giingong extrajudicial killings ubos sa iyang administrasyon, manubag.
Nagdala og usa ka Duterte standee, ilang giklaro nga dili kini usa ka protesta apan usa ka pagpakita sa suporta. Naglaum ang grupo nga ibasura sa ICC ang mga akusasyon.
Ang mga panagtapok sa gawas sa korte gilauman nga magpadayon hangtod sa katapusan sa hearing.
