CEBU – Malampuson ang gipahigayon nga Mandani Bay Dragon Boat Regatta 2022 sa dakbayan sa Mandaue.
Gumikan kay kini nga kalihokan gipangandaman pag-ayo sa dakbayan aron mahimong hapsay ang kalihokan ug kapugngan ang bisan unsa kakulian.
Atol sa eksklusibong pakighinabi sa Bombo Radyo News Team, gibutyag ni Jp Maunes,Dragon Boat Coach ug Event Organizer, nga dako kaayu ilahang kalipay og mapasigarbuhon sila nga nahuman kini nga walay aksidente nga nahitabo, ug ang labing pinaka importante daghang nalingaw sa maong event, ilabi na ang mga kabatan-onan nga ni salmot sa maong kalihukan.
Nasayran nga ang maong kalihokan subay sa pakigtimbayayong sa dakbayan sa Mandaue ug Kaabag Foundation aron i-promote ang sports of dragon boating sa Mandaue ug magsilbing sa outlet sa mga kabatan-onan.
