Lilion pagbalik ni Mandaue City Mayor Thadeo “Jonkie” Ouano pinaagi sa City Legal Office ang pagreview sa ordinansa nga nag formalized sa mga gi-donate nga sakyanan sa 15-ka mga Sangguniang Kabataan Offices, aron tan-awn kung pwede ba nga makuha ug ma reassigned.
Matod ni Ouano nga susihon sa siyudad ang sitwasyon aron maseguro nga ang mga sakyanan magamit sa mga departamento ug opisina nga nagkinahanglan niini.
Dugang usab niini nga sukad nilingkod kini sa katungdanan, adunay labing menos 12 ka mga departamento ang nangayo na og mga sakyanan nga mosuporta sa aron sa paghatod sa og serbisyo.
Atol sa iyang paglibot sa mga buhatan sa siyudad ug sa courtesy visits sa mga department head sa niaging mga adlaw, sigon niini nga nakita niini kung kinsa ug kung asa kini mas gikinahanglan.
Usa niini ang City Assessor’s Office nga aduna lay 1-ka sakyanan nga puli-pulihag gamit sa 4-ka gruppo.
Gihimug-atan usab niini gikinahanglan nga mabutang sa tukma nga paggamit ang gipang donate ug lilion pagbalik sa City Legal office alang sa kahiangayan sa maong lakang.
Giklaro usab sa Mayor nga wala kini isyu sa SK apan matud pa niini nga ang mga donated vehicle dili lamang alang sa SK.
Kahinumdoman, niadtong Hunyo 9, giaprobahan sa Sangguniang Panlungsod ang ordinansa nga naghatag ug pagtugot sa Office of the Mayor sa pagpormal sa deeds of donation alang sa 15 ka mga sakyanan nga gihatag sa pinili nga SK chairpersons. | Bombo Nathaniel Sandoval
