CEBU – “Proud kaayo ko nimo!” Mao kini ang reaksyon ni presidential aspirant Senator Manny Pacquiao sa unang kadaugan sa iyang anak nga si Jimuel Pacquiao sa U.S. nga amateur junior welterweight nga away niini.
Nahitabo ang away ni Jimuel kang Andres Rosales sa House of Boxing Gym sa San Diego, California, niadtong Sabado, Marso 12 (Dominggo, Marso 13, sa Pilipinas).
Wala personal nga nasaksihan ni Manny ang away ni Jimuel tungod busy kini sa pagpangampanya, apan updated ang Pambansang Kamao sa mga panghitabo sa away sa iyang kimaguwangang anak.
Usa ka sports writer ang mihatag og mga detalye bahin sa boxing match nga nadaog ni Jimuel.
Nakuha sa batang Pacquaio ang amateur record ngas 1-0 pinaagi sa desisyon nga kadaugan batok kang Andres Rosales.
![](https://img.bomboradyo.com/cebu/2022/03/71968.jpeg)
Magpabilin si Jimuel sa Los Angeles, California aron ipadayon ang iyang boxing training sa Wild Card Boxing Club.
Ang Wild Card gym maoy training ground ni Manny isip boksidor sa dihang nagsugod pa lang kini sa iyang karera sa boksing hangtod nga giila nga usa sa labing maayo sa boksidor sa tibuok kalibotan.