Giangkon ni Special Assistant to the President for Investment and Economic Affairs Secretary Frederick Go nga nabalaka sila sa desisyon sa Estados Unidos sa pagpahamtang og 20% nga taripa sa mga imported nga produkto gikan sa Pilipinas.
Gipasabot sa kalihim nga kining maong lakang mahimong makaapekto sa competitiveness o abilidad nga makigkompetensya sa mga produkto sa Pilipinas sa merkado sa US.
Hinuon, gipasabot ni Go nga ang 20% nga taripa nga gipahamtang sa US mao gihapon ang ikaduha nga pinakaubos sa tibuok rehiyon, sunod sa Singapore nga adunay 10% nga tariff rate.
Bisan pa niini, giinsister ni Go nga ang administrasyon nagpabiling pasalig sa pagpadayon sa negosasyon aron mapanalipdan ang interes sa nasod ug mapanalipdan ang trade competitiveness sa mga Filipino exporters.
Gipaambit usab niini nga gikatakdang mobiyahe sila balik sa US, kauban ang ubang mga miyembro sa economic team, sa sunod semana, aron makigsabot ug mapagaan ang giingonng trade measure.
