Giabi-abi ni Presidente Ferdinand R. Marcos Jr. ang mga bag-ong lider sa Indonesia sa iyang pagsaksi sa inagurasyon nila ni Presidente Prabowo Subianto ug Bise Presidente Gibran Rakabuming Raka niadtong Domingo.
Diin miduyog sila si Marcos ug First Lady Liza Marcos sa ubang mga lider sa kalibutan sa pagsaksi sa inagurasyon sa mga lider sa Indonesia sa House of Representatives Building sa Jakarta.
Lakip sa mga lider nga mitambong sa seremonyas mao sila Brunei Sultan Hassanal Bolkiah ug Singaporean Prime Minister Lawrence Wong.
Sa usa ka post sa social media, si Marcos miingon nga ang Indonesia usa sa dugay nang kauban sa Pilipinas ug labing suod nga higala sa Southeast Asian region.
Dugang ni Marcos nga iyang gipamatud-an pag-usab ang tinguha sa nasud sa dugang nga pagpalig-on sa bilateral nga relasyon uban sa Indonesia niining importante nga okasyon ug sa baylo sa mga diplomatikong relasyon sa ika-75 nga anibersaryo sa Nobyembre.
Subay niini, giimbitar usab si Marcos ni Prabowo s predecessor, nga si Joko Widodo, kansang kamagulangang anak nga lalaki, si Gibran, nga nahimong pinakabata nga bise presidente sa Indonesia.
Si Prabowo nibisita sa Manila sa miaging buwan ug nakigkita kang Marcos sa Palasyo sa Malaca ang sa Manila diin ilang gipamatud-an ang ilang panglantaw alang sa mas dakong relasyon sa ilang mga nasud.
