Nigahin ang gobyerno og P1.30 trilyon alang sa kalamboan sa sektor sa edukasyon karong tuiga.
Gipahibalo kini ni Presidente Ferdinand R. Marcos Jr. sa iyang pakigpulong sa ika-3rd Commencement Exercises sa West Visayas State University (WVSU) College of Law, diin iyang gipasiugda ang kamahinungdanon sa padayon nga pagpamuhunan sa edukasyon aron mapalig-on pa ang sistema sa hustisya ug ang kalamboan sa nasud.
Kauban sa okasyon, ang Presidente, uban ni First Lady Louise Araneta-Marcos, nanguna sa inagurasyon sa bag-ong upat ka andana nga building sa WVSU College of Law nga adunay unom ka mga classroom, usa ka review room, ug duha ka moot court isip kabahin sa pagpamuhunan sa umaabot nga mga abogado.
Ang Presidente kaniadto nagreport nga ang nasudnong budget alang sa 2026 naggahin sa pinakadakong pondo sa kasaysayan alang sa edukasyon, nga mokabat sa P1.345 trilyon o 4.36% sa Gross Domestic Product (GDP).
Diin ang pondo gamiton alang sa pagkuha og mga magtutudlo, learning recovery sa mga core subjects, school-based feeding programs, ug pagtukod og mga classroom sa nasud.
