Gidawat ni Presidente Ferdinand R. Marcos Jr. ang mga kredensyal sa bag-ong gitudlo nga mga embahador sa Chile ug China sa usa ka pormal nga seremonya sa Palasyo sa Malacañang niadtong Huwebes.
Gipresentar ni PBBM ang letters of credence nilang His Excellency Felipe Alejandro Diaz Ibañez sa Chile ug His Excellency Jing Quan ng China.
Gipahalipayan sa Presidente ang duha ka opisyal ug gipasalig ang kaandam sa Pilipinas nga palapdan pa ang relasyon niini sa ilang mga nasud.
Gidayeg ni Marcos ang dugay nang maayong relasyon tali sa Pilipinas ug Chile, nga nagpahayag sa pagsalig nga kini molalom pa.
Samtang, sa iyahang pag-abiabi sa bag-ong Chinese envoy, gipasiugda sa Presidente nga ang China usa ka importante nga higala ug kauban sa Pilipinas.
Gidugang niini, nga naglaum siya nga mapalig-on ang kooperasyon ug madumala sa husto ang mga kalainan tali sa duha ka nasud.
Ang duha ka embahador misaad nga palig-onon ang bilateral nga kooperasyon ug mahigalaon nga relasyon sa Pilipinas.
