CEBU CITY-Mianunsyo ang Sinulog Foundation Incorporated (SFI) nga sugod sunod tuig nga edisyon sa Sinulog Photo Cntest kay magpatuman kini og mas striktong polisiya ug guidelines aron sa pagsulbad sa mga nagkabadlongon nga mga mamitikay sa panahon sa kapistahan.
Matod pa ni SFI Executive Director Elmer “Jojo” Labella atol sa Awarding Ceremony sa maong kompetisyon kay mipahibalo kini nga dili na sila mutugot sa mga photographers nga muduol sa mga dancing contingents tungod kay makabalda kini sa mga performances.
Kahinumduman nga niadtong Enero 19 ning kasamtangang tuig kay mi-viral online ang pagpangasaba ni Labella sa mga badlongon nga mga mamitikay tungod kay mag-alig-alig na kini og patunga sa routa sa parade diin musayaw ang mga contingents.
Taho pa sa Cebu City’s Public Information Office (PIO) nga niadtong Sinulog 2025 kay ila nang gipahimangnoan ang mga photographers nga aduna lang kiniy mga designated areas aron mamitik apan kadaghanan niini kung dili man tanan kay gibalewala ra ang maong lagda hinungdan sa kasamok.
Sa ugaling dili gihapon kini tumanon kay gihimug-atan ni Labella nga pwede nilang i-disqualigy ang mga photographers nga mga gahi’g ulo tungod sa kapakyas sa pagtuman sa mga polisiya ug guidelines.
Dugang niini nga ang SFI kay makig-alayon sa mga security marshals ug mga police sa pag-cordon sa mga photographers aron maimplementar ang striktong polisiya sunod tuig.
