CEBU – Nanawagan si Lapu-Lapu City Mayor Junard ‘Ahong’ Chan sa mga Oponganon nga likayan ang paggamit ug iligal nga drugas ug inay nga mupalit ug shabu, mas maayong ipalit na lang kini ug pagkaon alang sa pamilya.
Kini ang panawagan sa mayor human nga nataktak sa trabaho ang unom ka mga empleyado sa Lapu-Lapu City Hall sa dihang nagpositibo sa paggamit ug iligal nga drogas.
Matud ni Chan nga ilahang gibuhat ang tanan arun nga pakigbatokan ang drogas sa syudad ug giingong ‘closely monitored’ ang mga nagduwa ug iligal nga drogas sa Lapu-Lapu.
Sigon pa, istrikto gayud nga gi-monitor ang mga empleyado sa syudad ug target nila nga mahimo gayud nga drug-free workplace ang City Hall.
Dugang usab niini nga target sa iyahang administrasyon nga mahimong drug-free City ang syudad lukop Pilipinas.
Samtang, gitataw ni Chan nga makabalik sa pagtrabaho sa City Hall ang duha ka mga casual employee ug job order employees kung mupailawom kini silang duha sa rehabilitasyon.
