CEBU CITY-Mikurat sa Sugboanon ang mikatap nga video sa Mayor sa Sugbo nga si Mayor Micheal Rama sa dihang nagsilbi kini nga traffic enforcer sa dalan sa Pope John Paul Avenue.
Sa inaugural day sa one-way flyover scheme nga implementasyon sa dakbayan sa Sugbo gahapong adlawa, Sabado, mitabang si Rama sa mga traffic enforcers sa pagdumala sa dagan sa trapiko sa naasoy nga dalan.
Sukad nga mibalik ang Mayor sa Sugbo, daghan na kini og gisalmutan nga kalihokan sama sa mipaambit kini sa iyang ideya kabahin posibleng kasulbaran sa trapiko sa Cebu City diin iyang nakuha ngadto sa Australia atol sa iyang bakasyon sa naasoy nga nasud.
Pinaagi sa iyang personal nga obserbasyon ug nakat-on ngadto sa Melbourne, Australia, diin nakahigayon kini sa pagsuhid sa sistema sa trapiko aron matubag ang kahuot sa kadalanan ingon man ang mga dagkong dalan ug mga intersection.
