CEBU CITY-Gitataw ni Atty. Joey Daluz, ang Chairman sa Metropolitan Cebu Water District nga wala’y kausaban nga nahitabo sa MCWD bisan paman sa plano nga mu-take over ang Local Water Utilities Administration diin mag tudlo kini’g tulo ka LWUA officials nga mao’y mag silbing Interim Board of Directors sa MCWD.
Matud pa ni Atty. Daluz nga nagpaabot pa sila sa og advice ug opinion sa Office of the Government Corporate Counsel kung unsa’y maayo nga buhaton ug samtang nagpaabut kini sa opinion sa OGCC gumikan aduna kini authority nga mo-interpret sa mga aksyon sa Local Water Utilities Administration ug giingong status quo una ang MCWD.
Nasayran nga si Jose Moises F. Salongga ang bag-ong Administrator sa LWUA diin nipadangat og suwat ngadto sa MCWD niadtung Marso 15 sa planong pag-take-over ug pag tudlo sa LWUA og tulo ka mga interim Board of Directors sa MCWD apan wala kini gi-acknowledge ni Edgar Donoso, ang General Manager sa MCWD tungod ila una kining gi-refer sa Office of the Government Corporate Counsel.
Subay niini, giangkon ni Daluz nga ang iyang gikabalak-an kay wala masweto ang mga mo-take-over sa gibuhat nga desalination project nga kusganong gibarugan niini ang kamahinungdanan sa maong proyekto hilabi na ning dry spell season.
