Giktahong hunongon ni President-elect Donald Trump ang iyang gitawag nga transgender lunacy sa unang adlaw sa iyang pagkapresidente.
Diin ang mga Republicans, nga adunay kontrol sa Kongreso ug sa White House, kay nagpadayon sa pagduso sa away batok sa mga isyu nga may kalabutan sa LGBTQ.
Sa usa ka kalihokan sa Phoenix, Arizona, giingon ni Trump nga mopirma siya sa mga mando sa ehekutibo aron tapuson ang child sexual mutilation ug tangtangon ang mga transgender gikan sa militar ingon man ang mga gikan sa eskuylahan.
Misaad usab siya nga ilikay ang mga lalaki sa mga sports sa mga babaye ug barugan nga duha ra ka gender ang iyang ipatuman mao ang lalaki ug babaye
Sa iyang pakigpulong sa komperensya sa AmericaFest, gisaad ni Trump ang diha-diha nga mga lakang batok sa “krimen sa mga migrante,” ug gideklarar ang mga kartel sa drogas ingon mga langyaw nga teroristang organisasyon.
Ang mga isyu sa transgender nahimong mainit nga hilisgutan sa politika sa US ning bag-o lang, tungod kay ang mga estado nga kontrolado sa mga Democrats ug Republicans adunay lainlaing mga palisiya.
Gani, sa miaging semana, ang tinuig nga badyet sa depensa sa Kongreso sa US naglakip sa usa ka probisyon nga magdili sa pondo alang sa pipila nga pag-atiman nga nagpamatuod sa gender alang sa mga bata sa mga miyembro sa serbisyo.
Sa iyang pakigpulong, si Trump mihimo og dagkong mga saad alang sa iyang ikaduhang termino ug nagpintal sa usa ka mangitngit nga hulagway sa milabay nga upat ka tuig ubos ni Presidente Joe Biden ug Bise Presidente Kamala Harris.
