Magsugod dayon sa ilahang pagbansay-bansay ang mga Atletang Pinoy sa ilang pag-abot sa France.
Kung diin sa dominggo sa gabii miabot ang delegasyon sa Pilipinas sa Metz, France usa ka bulan sa wala pa magsugod ang Paris Olympics.
Adunay 15 ka mga atleta nga kauban niini gipangulohan ni Philippine Olympic Committee (POC) president Abraham “Bambol” Tolentino ug Paris Olympics chef de mission Jonvic Remulla.
Ang mga atleta nga mag-training sa Metz naglakip nila ni flag bearer Nesthy Petecio ug Carlo Paalam uban sa mga boksidor nga sila Hergie Bacyadan ug Aira Villegas, weightlifters Elreen Ando, John Ceniza ug Vanessa Sarno ingon man rower Joanie Delgaco.
Samtang ang ubang mga atleta nagsugod na sa pagbansay-bansay sa ubang nasud.
Gipaabot sa POC nga madungagan pa ang mga atleta samtang nagkaduol ang pagsugod sa Paris Olympics karong Hulyo 26.
