Gikatakdang makadawat og benepisyo ang mga biktima sa nahitabong Binaliw landfill landslide niadtong Enero 8 gikan sa Social Security System (SSS) ug Employees’ Compensation (EC) aron sa pagtabang sa mga galastuon sa mga kabanay niini.
Sumala pa sa SSS Visayas Central 1 Division nga ang benefit claims kay maapod-apod sa higayong ang employer ug ang landfill operator nga mao ang Prime Integrated Waste Solutions Inc. (PIWSI) kay makakumpleto sa mga gikinahanglang rekisitos.
Gani usa ka Task Force ang gitukod para niiini aron sa paghatag og priyoridad sa pagproseso ug distribusyon sa mga benepisyo sa pakigtambayayong sa PIWSI.
Dugang pa nga ang mga benificiaries sa mga biktima kay makadawat sa payout sa makaupat ka higayon nga gikan sa SSS ug EC.
Sa lagda sa SSS, ang mga trabahanteng nakacontribute sa 1 hangtod sa 36 ka buwan kay entitled sa P12,000 nga funeral benefit samtang ang nakacontribute og mas labaw pa sa 36 ka buwan kay makadawat sa funeral benefit gikan sa P20,000 ngadto sa P60,000 depende sa natampo na niini.
Samtang ubos sa lagda sa EC kay makadawat sila og P30,000 bisan pila pa ang gitas-on sa ilang papang-empleyo.
Ingon man ang laing death benefits ang madawat sa mga nanarbaho sa mas ubos sa tulo ka tuig sa monthly pension sa P2,000 ubos sa EC ug kung mulapas na kay maadto na kini sa SSS kay didto na kini makadawat sa benepisyo sa dugang 15%.
