CEBU – Sikop ang usa ka lalaki kinsa misuway sa paglusot sa America ug mga bitin ug horned lizards.
Gikatahong gitagoan pa sa iyahang bugan ang pipila sa mga reptile.
Sa taho sa Agence-France-Presse, giingong nasikop sa mga miyembro sa Customs and Border Patrol ang suway nga pagpalusot sa San Ysidro border crossing sa California niadtong miaging buwan.
Mokabat sa 52 ka bag sa reptiles ang nakit-ang gitagoan sa nagkadaiyang parte sa lawas ug sinina sa lalaki.
9 niini mga bitin ug 43 ang horned lizards.
Matod pa ni Customs and Border Patrol Sidney Aki sa San Diego, nga buhaton sa mga smugglers ang tanang paagi aron nga mapalusot ang ilahang mga produkto.
Gipaubos na sa quarantine ang mga nasakmit nga mananap samtang anaa na sa kustodiya sa otoridad ang suspek.
