CEBU CITY – Gi-uwan karon ug reklamo ang Land Bank of the Philippines human nga ubay-ubay sa ilang mga cardholders ang nabiktima sa ATM Skimming.
Una niini mirumbo sa Land bank of the philippines ang mga empleyado sa nagkadaiyang ahensiya sa gobyerno sama sa mga kawani sa PNP,BFP, empleyado ng Population Commission(POPCOM), National Food Authority(NFA)ug ubang miyembro ng AFP aron ereklamo nga na wagtang ilang kwarta sod sa ATM.
Suma pani Mr. Manuel Infante ang Vice President ug group head sa East Visayas branch sa LBP nga nadtong Pebrero 27,duna silay narecover nga skimming device sa usa sa ilang mga automated teller machine sa LBP Banilad Branch kung diin nakakuha sila ug usa ka card reader ug pin pad nga dunay camera sa ilawom niini diin ilang nasuta nga kadaghanan sa mga ningreklamo naka withdraw sa naasoyng ATM.
Dugang pa ni Infante nga basi sa nakuha nilang kopya sa CCTV footage ,usa ka foreigner ang mihimo sa naasoyng mudos diin sakay pa kini sa usa ka mahalong sakyanan.
Subay niini,temporary unang ge-block sa LBP ang linya sa ATM cards sa di mominos 2000 nila ka customers.
Nakig-alayon na usab sila sa National Bureau of Investigation(NBI)para sa dugang nga imbestigasyon sa panghinaot nga masikop na sa labing daling panahon ang responsabli.
