METRO MANILA-Nanawagan ang Philippine Statistics Authority sa mga ginikanan nga dasigon ang ilang mga anak nga magparehistro gamit ang ilang mga National ID System.
Lakip sa mahimong marehistro mao ang mga bata nga nag-edad og usa hangtod upat ka tuig.
Sa pamahayag ni National Statistician ug Civil Registrar General PSA Undersecretary Claire Dennis Mapa, padayon pa sila nga nagdawatan og mga rehistrasyon gikan sa ilang gitudlo nga mga lugar.
Kini gitumong sa paghimo sa rehistrasyon alang sa National ID nga mas daling makuha sa mga batan-on.
Matud usab ni Mapa nga magpadayon ang ilang mobile registration activities ilabi na sa Geographically Isolated and Disadvantaged Areas sa nasod.
Basi sa datus, as of July 12, 2024, niabot na sa 88,720,028 ka mga Filipino ang malampusong nakarehistro sa National ID System sa PSA.
