Mamahimong mag-atubang og kasong syndicated o large-scale estafa ang mga influencer nga wala gihapon mohunong sa pag-endorso sa llegal online gambling.
Mao kini ang pahimangno sa Cybercrime Investigation and Coordinating Center (CICC) nunot sa ultimatum sa ahensya ngadto sa mga influencer nga hunongon na ang pag-endorso sa ilegal nga online gambling niadtong miaging semana.
Matod ni CICC deputy executive director Renato Paraiso, halos tanang influencer nituman sa ilang apelar bisan og ang uban gahi gihapon og ulo.
Niadtong Hulyo 15, ang ahensya nagsugod sa pagpadala og mga pahibalo sa mga influencer nga wala gihapon motuman, aron ipasabut kung ngano nga ang gobyerno dili kinahanglan nga magpasaka og mga kaso batok kanila.
Matod sa opisyal, ang mga dagkong influencer mahimong mokita hangtod sa tunga sa milyon matag semana gikan sa ilang pag-endorso sa ilegal nga online nga sugal.
Sa laing bahin, ang ahensya gikatakda nga ma-tap sa mga platform sa social media aron tangtangon ang mga channel sa content creators nga nagpadayon sa pag-endorso sa mga illegal online gambling sites.
