Mga iro pwede nang mag-ehersisyo sa gitukod nga indoor gym sa UAE

CEBU – Usa ka indoor gym ang gihimo sa Abu Dhabi sa United Arab Emirates alang sa mga iro aron mag-ehersisyo ug mapagawas ang ilang kusog nga dili mainitan.

Sa usa ka taho, nakahuna-huna si Mansour Al-Hammadi, tag-iya sa Posh Pets gym, sa pagtukod aron mahatagan og himsog nga panglawas ang mga iro.

Tinguha sni Al-Hammadi ang paghatag og usa ka himsog nga gym alang sa tanang matang sa mga iro.

Adunay nagkadaiyang gamit ang gym sama sa treadmills nga espesipikong gidisenyo alang sa mga iro nga mahimo nilang “modagan” hangtod sa kapoyon.

Kahindumduman nga sa milabay nga duha ka tuig, nahimong sulondon ang Emirates alang sa GCC mahitungod sa pag-host sa mga binuhi sa balay.