CEBU – Gipaningkamotan sa kapulisan sa dakbayan sa Mandaue nga hingpit nga mahimong unang drug-free city sa tibuok Central Visayas.
Gibutyag ni Police Lieutenant Colonel Frank Rudolf Oriol, ang tigpamaba sa Mandaue City Police Office, nga gipatutokan ni MCPO Director Police Colonel Jeffrey Caballes, ang paggukod ug pagtapos sa iligal nga drogas sa dakbayan ug imintinar ang siyam ka mga barangay nga drug cleared na.
Subay niini, gihangyo ni PLt. Colonel Oriol ang mga barangay officials ug mga residente nga kanunayon ang pakig-alayon sa mga otoridad ug sa LGU sa pagtapos sa iligal nga drogas sa dakbayan diin iyahang gituohan nga ang komunidad kay usa ka dakong yawi sa paghuman sa maong problema.
Gani, sa ilahang mga dagko nga anti-illegal drug operations kay gumikan kini sa kooperasyon sa komunidad sa kapulisan.
Gawas usab niini, nanghinaut si Oriol nga maka-graduate na ang tanang mga drug personalities nga ubos sa community-based rehabilitation center arun nga kini mahatagan ug bag-ong kinabuhi.
