CEBU CITY- Nailhan na sa mga kapulisan sa dakbayan sa Sugbo ang lima sa unom ka mga kawatan sulod sa dapit dagkotanan(candle lighting area) sa Basilica Minore del Sto. Niño de Cebu niadtong Miyerkules sa hapon, Septiyembre 11, 2024.
Kini human mikatap online ang mga kuha sa CCTV camera sa simbahan sa Basilica Minore del Sto. Niño diin gitapukan sa unom ka mga kawatan ang usa ka babaye nga nagpaka-aron ingnon nga managkot apan nanguot na diay kini sa cellphone sa biktima.
Lima ka mga babaye ug usa ka lalaki ang nakita sa maong video sa pagpangawat nga maoy tinubdan sa imbestigasyon sa mga kapulisan.
Sa pamahayag ni Waterfront Police Station 3 Commander PMaj. Lynbert Yango, gitino niini nga lima sa unom ka mga suspek ang ila nang nailhan base sa records sa ilang istasyon og nakita nga aduna kiniy daan nang kaso sa samang krimen sa pagpangawat.
Dugang pa, nga taga dakbayan sa Sugbo ra ang maong mga suspek og dali nilang gukdon kini aron sa hingpit nga makasikop ug paatubangon sa mga kasong criminal.
Subay niini, nipahimangno ang kapulisan sa katawahn nga permanenting magbinantayong sa mga kabtangan tungod wala nay gipili nga lugar ang mga daotang indibidwal.
