CANTRAL VISAYAS- Andam na ang mga magtutudlo sa Department of Education- Central Visayas (DepEd-7) sa umaabot nga National and Local Elections sa Mayo 12, 2025.
Moabut sa 2,000 ka mga magtutudlo ang i-deploy sa Central Visayas gikan sa DepEd-7 ang mo serbisyo atol sa piniliay, 500 niini ang ibutang sa electoral boards ug uban niini i-tagana isip support staff.
Matud ni DepEd-7 Public Affairs Office Head, Ammaryllis Villarmia, adunay i-issue nga memorandum alang sa Election task force nga posibleng epektibo sa Mayo 12 hangtud 13, 2025.
Naglangkob ang maong Election Task Force sa Steering Committee, Technical Working Group ug Support teams, itagana ang nagkada-iyang personnel sa pagmando ug pagtan-aw sa polisiya apil na usab ang koordinasyon, pagbantay sa operasyon, monitoring ug incident response.
Gipasabut usab ni Villarmia, nga sa matag regional offices, adunay nakatagana nga Chairperson ug Vice-Chairperson nga abagan usab sa 10-ka mga designated members.
Kini nga mga grupo makigtambayayong sa Central Office Election Task Force ug sa Election Command Center aron masiguro ang hapsay nga pagpatuman ug pas-pas nga pagsulbad sa mga isyu.
Sa pikas bahin, aduna usab ipakatap nga Incident Response Team ug 24/7 Help desk nga mag-operate sugod Mayo 11, hangtud sa Mayo 13, 2025. | Bombo Nathaniel Sandoval
