CEBU – Nagsugod na sa pagdan-ag sa Fuente Osmeña Circle ang nabantog nga higanteng Christmas tree sa dakbayan sa Sugbo human sa seremonyas sa pagpasiga nga gipangunahan sa pamilyang Lhuillier ug mga opisyal sa dakbayan sa Sugbo gabie Huwebes, Disyembre 1, 2022.
Mitambong sa maong kalihukan Ang Miss Cebu 2023 Top 12 contestants.
Kung diin ang Christmas tree nag simbolo alang sa paglaom atubangan sa mga hagit, hinungdan nga gitawag kini ug ‘TREE OF HOPE’ .
Samtang ang Dakbayan sa Talisay pormal na usab nga nagpahigayun sa ilahang Christmas Lighting pinanguluhan sa Mayor sa Dakbayan nga si Mayor Samsam Gullas.
Nihatag usab og mensahi si Mayor Gullas sa mga Talisaynon, nga nagkanayong ang Pasko mao ang panahon sa paglaum ug kalipay, Apan wala kini gibati sa miaging duha ka tuig.
Kini gumikan kay sulod sa kapin sa duha ka tuig, mura ug langgam nga gibutang sa hawla ang katawhan, nga nabilanggo sa Covid-19 ug sa epekto sa Bagyong Odette.
Hangtud sa kasamtangan, ang pisikal, mental ug ekonomikanhon nga kadaot nagpadayon nga nakaapekto sa katawhan.
Dugang pa sa Mayor nga iyahang gihangyo ang tanan nga mag-ampo alang sa pagpadayon sa bag-ong nakaplagan nga kagawasan.
