CEBU – Nilaum si Cebu City Councilor Jerry Guardo, kinsa chairman sa Committee on Infrastructure , nga mosabot ang mga tag-iya sa mga panimalay nga maigo sa tagging.
Matod pa ni Guardo nga aron masolusyonan ang problema sa baha dili lang political will ang gikinahanglan gumikan kinahanglan usab nga gub-on ang mga istruktura nga nag-ali sa mga drainage o agianana sa tubig.
Kini human makita sa opisyal nga natubanan na sa mga panimalay ang pipila ka drainage sa dakbayan sa Sugbo nga maoy nahimong hinungdan nga molaylo na ang tubig baha og mopaingon na sa mga sitio sa matag barangay.
Gitino ni Guardo nga gikinahanglan nga irekober ug imintinar ang kalimpyo ingon man mas palapdan pa ang mga drainage aron usab mahatagan og kasulbaran ang dugay nang problema sa baha.
