MANDAUE CITY,CEBU- Nanghinaot ang mga sakop sa Substance Abuse and Mental Health Service sa Dakbayan Mandaue, nga ma Institutionalize ang programa sa paghatag ug higayon sa mga empleyado sa gobyerno nga naggamitan ug illegal nga drugas basta mupa-ubos lang kini sa rehabilitation.
Matud ni Atty. Ben Manzano, ang pangulo sa Substance Abuse and Mental Health Service sa dakbayan sa Mandaue, bisan paman nga walay mando nga gipatuman sa Korte Suprema, gipahigayun na sa dakbayan sa Mandaue ang maong programa nga maghatag ug Chansa sa mga empleyado sa gobyerno nga mopaubos sa rehabilitation process.
Gibutyag niini nga base sa kamandoan sa Civil Service, kung ang trabahante nag positibo sa illegal nga drugas, awtomatiko kining matang-tang sa trabaho, apan sukwahi sa dakbayan Mandaue, gihatagan nila kinig konsiderasyon pinaagi sa pagpaubos sa rehabilitasyon sa unom ka buwan kini subay usab sa bag-o lang gipasar nga ordinansa sa dakbayan sa Mandaue nga “Enhance Drug Free Workplace”.
Gihimug-atan usab ni Manzano, nga dili na tulobagun sa buhatan kung aduna kini kalambigitan sa pagpamaligya sa ginadaling drugas ug posibleng matang-tang kini sa posisyon hilabi na kung mibalibad sa pagpaubos sa rehabilitasyon ug wala gihuman ang rehabilitasyon.
Sa pikas bahin, padayun gihapon ang gipahigayung drug-testing sa dakbayan sa Mandaue.
