CEBU CITY — Giklaro sa Office of the Senior Citizen Affairs (OSCA) nga boluntaryong mi-adto sa atubangan sa Cebu City Hall ang pipila ka mga senior citizens aron lang sa pagkuha sa ilang hinabang gikan sa City Government.
Matud sa Acting Executive Director sa OSCA nga si Jeffrey Ocampo nga nagagikan sa tagsa-tagsa ka mga probinsya ang nahisgutang mga edaran diin personal nilang kuhaon ang P3,000 nga cash assistance.
Apan gitataw niini nga gisunod usab sa mga edaran ang mga minimum health protocols sama lang sa pagsul-ob og face mask ug physical distancing sanglit kabubut-on lang nila ang pagdangop.
Dugang pa nga pagtataw ni Ocampo nga wala gayud mihatag og abiso ang OSCA alang sa pag-adto sa mga senior.
Kahinumdumang nimando si Mayor Edgardo Labella nga himoong house-to-house ang paghatag sa P3,000 nga cash assistance diin ni-adto mismo ang mga pagador sa balay sa mga recepients.
Kinahanglan, matud pa, nga makuha sa mga senior ang kwartang hinabang sulod sa 10 working days.
Nasayran nga sukad sa pagpatuman sa lockdown, gipapauli ngadto sa tagsa-tagsa ka mga probinsya ug lungsod ang pipila ka mga seniors, kinsang naapil sa rehistro sa Cebu City, aron kalikayan ang COVID-19. (with reports by Bombo Jun Salde/gn)
