Cebu City- Subling gipahinumduman ni Presidente Rodrigo Duterte ang mga kasundaluhan sa Marawi City nga kanunay nga mag-amping ug gikinahanglan nga makauli sila nga buhi sa ilang pamilya paghuman sa ilang misyon.
Matud ni AFP Spokesperson Brig. General Restituto Padilla nga gikalipay sa mga kasundaluhan ug nahimong inspirasyon kanila ang pagtuman sa Presidente sa saad niini nga mubalik nsas Marawi kung dili kini busy sa iyang tabaho sa Malacañang.
Sigon pa ni Padilla nga susamang nabuhi-an ug paglaum ug nakalig-on sa mga kasundaluhan ang gipakita sa Presidente nga suporta kanila. Dugang pa ni Padilla nga gihagit usab sa Presidente ang mga sundalo nga gikinahanglan nga dili na mapun-an ang ihap sa ilang mga kaubanan nga namatay samtang nakigbisog sa mga terorista .
Sa pagkakaron miabot na sa 119 ka mga sundalo ang namatay sa nagpadayon nga engkwentro sa Mrawi City.
Dugang pa ni Padilla nga gikasubo sa Presidente ang nagkataas nga ihap sa mga namatay hinungdan nga sa wa pa kini mubiya sa Marawi, higagit niini ang mga sundalo nga gikinahanglan nga buhi sila nga makagawas sa war zone.
