CEBU – Niadtong Septyembre 24, hingpit na nga gitapos sa Department of Social Welfare and Development (DSWD) ang pagpanghatag og special educational assistance alang sa mga students in-crisis.
Apan, giklaro ni Shailane Lucero , ang regional director sa DSWD -Central Visayas, nga mamahimo gihapon nga moduol sa nagkadaiyang opisina sa DSWD ang mga estudyante nga wala makadawat aron mangayo og tabang kung unsa man ang ilahang gikinahanglan diin lakip na niana ang panginahanglanon sa ilahang pag-eskwela.
Gihatagan usab og katin-awan ni Lucero nga ang mahitabo karong adlaw nga pagpang-apod-apod og educational assistance sa mga estyudante mao kadtong mga wala mabayri nga mga tinun-an.
Kadtong mga tinun-an nga wala makadawat sa hinabang gumikan adunay mga sayop o kuwang ang ilahang mga rekisitos atol sa ilahang pagbisita sa opisina ug kadtong mga tinun-an o ginikanan nga wala makatunga atol sa pay-out schedule ug lugar.
