CEBU – Nagka-anam na og kaluag ang mga restriksyon sa matag lugar ilabi na sa kaulohan nga daghan na ang gipaubos sa Alert Level 1 status apan ang Sugbo nagpabilin sa gihapon sa ALert Level 2.
Bisan paman niini, pabilin og nagpadayon ang tinguha sa mga kadagkoan sa departamento sa edukasyon nga maka-abli na ang ubang mga tunghaan diin susama kaniadtong pagsulbong sa pandemya limited face-to-face lamang ang ipahigayon sa mga pili lang usab nga mga tunghaan.
Aron makuhaan og habig ang departamento sa edukasyon sarehiyon 7, eksklusibong gikahinabi sa Bombo Radyo Cebu ang Regional Director sa DepEd7 nga si Dr. Salustiano Jimenez.
Atol sa pakighinabi, gibutyag ni Jimenez nga mas nidaghan pa ang mga tunghaan nga andam mopahigayon og pilot limited face-to-face classes karong buwan sa Marso.
Matod pa niini, nga adunay 474 ka mga tunghaan ang andam na mo-implementar sa maong paagi sa klase.
Dugang pa usab niini nga progressive expansion ang paagi sa akang nga gibuhat sa DepEd aron dali kini nga ma-implementar.
