Patay ang 2-ka indibidwal human mabanggai sa usa ka pickup truck sa intersection sa Il Corso, Cebu South Coastal Road, Cebu City pasado alas 2 sa hapon kagahapong adlawa Hunyo 13.
Dead on the spot ang driver sa motor nga adunay plate no. 723GKC nga gimaneho ni Bernel Tenebro Navares, 45 anyos, usa ka habal-habal driver, ug residente sa Basak Alumnos Site, Cebu City.
Samtang Dead on arrival si Crystal Claire Mondarez, usa ka trabahante sa usa ka dakong mall sa South Road Property diin human gidala sa Cebu City Medical Center.
Samtang ang driver sa Ford Ranger Pickup nga si alyas “John”, 23 anyos, taga Talisay City, anaa na karon sa kustodiya sa Cebu City Police Office Traffic Enforcement Unit.
Base sa inisyal nga imbestigasyon, giingong ang motorsiklo nga gimaneho ni Navares mi U-turn sa intersection El Pardo Road ug sa may SRP ug padung na unta kini maglatas sa northbound lane bahin sa may EL Corso sa diha nga misugat sila sa usa ka sakyanan ug nibangga.
Hinungdan nga napailawm ang motorsiklo sa pickup ug nalabay ang driver lakip na ang angkas niini.
Daling miresponde ang Traffic Enforcement Unit, Cebu City Transportation Office, ug Cebu City Disaster Risk Reduction and Management Office sa maong incidente diin ilang naabtan ang kritikal nga kondisyon sa driver ug angkas niini.
Padayon ang imbestigasyon sa kapulisan sa maong insidente samtang ila pang gisusi ang CCTV sa maong dapit.
