Cebu City-Giklaro ni Mayor Jose Esgana sa lungsod sa Sta Fe sa isla sa Bantayan nga gi respetaran ni ini ang ang kalihukan sa mga Katoliko sa umaabot nga Semana Santa sanglit siya usab usa ka Katoliko. Apan gitataw sa Mayor nga wala kana nagpasabot nga ang pagbuot ra sa mga Katoliko ang matuman.
Gibutyag ni ini nga iya lamang gibuhat ang iyang trabaho isip Mayor diin iyang gitimbang timbang ang sitwasyon nga paborable usab sa katong mga dili Katoliko.Gihimug-atan ni ini nga kapila na niya gipatawag ang Parish Priest sa Sto Nino Parish nga si Father Roy Bucag aron unta makig dayalogo apan matud pa nga wa musanong ang maong pari.
Dugang pa ni Esgana nga gamay ra man ang maong kalihukan diin kini makaapekton sa tibok lungsod. Gi klaro usab sa Mayor nga dili kini mao ang festival sa ilang lungsod diin muapil ang tanang baranggay.
Gipasabot sa Mayor nga nitugot siya sa organizer sa pagpahigayon sa maong kalihukan gumikan kay nagkasinabot naman sila sa mga kondisyones sa pagpahigayon sa maong event sama sa kakusog sa sound system ug pagpabilin nga limpyo ang area. Gitataw ni Esgana nga na confine lamang sa usa ka sudlunon nga resort ang maong event diin dili usab kusog ang sound nga magagikan sa sound system ni ini.
Nasayran nga hugtanong gisupak sa simbahan ang pagpahigayon sa maong music festival atol sa pag obserbar sa mahal nga adlaw. Dili usab kini ang labing una nga higayon nga nabutang sa kontrobersiya ang lungsod sa Sta Fe sa Isla sa Bnatayan human nga sa milabayng tuig 2009 usa ka bikini show usab ang gipahigayon sa usa ka private resort atol sa pag obserbar sa Semana Santa.
