Gipalig-on pa sa National Police Commission (NAPOLCOM) ang katakus ug kapasidad ni PLt.Gen. Jose Melencio Nartatez Jr. isip gitudlo nga acting chief sa Philippine National Police (PNP).
Pinaagi sa Resolution 2025-0552, gimando niini ang pagmatuod sa “full capacity” ni Nartatez kon hisgutan ang mga responsibilidad ug gahom sa usa ka PNP Chief bisan pa man og dili hatagan si Nartatez sa 4-star nga ranggo nga gihuptan karon ni kanhi PNP Chief PGen. Nicolas Torre III.
Matod ni NAPOLCOM Commissioner Vice Chairperson ug Executive Officer Atty. Rafael Vicente Calinisan, ang pagmatuod sa gahom ni Nartatez isip acting Chief sa National Police kabahin sa mandato sa NAPOLCOM nga masiguro ang pagpadayon sa maayong pagdumala ug liderato sulod sa maong organisasyon.
Samtang, ang NAPOLCOM mipadayag sa ilang hugot nga suporta sa pamunoan ni Nartatez ug nipasalig nga dili nila micromanage ang PNP.
