CEBU CITY – Wala mitingog ang National Bureau of Investigastion (NBI) – VII sa kalambuan karon sa kaso sa brutal nga pagpatay ni Christine Lee Silawan, kinsang gilaplap ang nawong niini sa Lapu-Lapu City.
Kini human nga daw sama nga “conflicting” ang resulta sa buwag nga imbestigasyon sa Police Regional Office (PRO) – VII.
Matud sa Asst. Regional Director sa NBI-7 nga si Dominador Cimafranca nga aduna silay order gikan sa Provincial Prosecutor’s Office nga dili lang una sila patingogon.
Ang NBI-7 ang nagkupot sa unang akusado sa pagpatay kang Christine Lee nga si Alyas Jun kinsang ang sinina niini nga adunay lama sa dugo ang mi-match sa usa sa mga anak ni Lourdes Silawan.
Samtang gihuptan usab karon sa PRO-7 ang ikaduhang suspect nga si Renato Llenes kung diin migawas usab karon sa DNA result nga ang dugo sa gunting nga maoy gigamit sa paglaplap ni Llenes sa nawong ni Silawan.
Butang kini karon nga naghatag og kalibog sa publiko.
Pabiling nagmalaumon ang PRO-7 nga makig-alayon kanila ang pamilyang Silawan alang mga legal nga aksyon sama pagpasaka og kasong murder batok ni Llenes.
