Gisumiter na sa National Bureau of Investigation (NBI) ang mga resulta sa imbestigasyon niini sa duha ka giingong ghost flood control projects sa ika-3 nga Distrito sa Sugbo ngadto sa mga government prosecutors, kinsa maoy motino kon aduna bay igong ebidensya aron mapasaka ang mga kaso sa korte.
Gibutyag ni NBI Director Melvin Matibag nga nahuman na sa buhatan ang imbestigasyon niini ug gitugyan na ang mga nahibal-an ug mga ebidensya nga nagsuporta niini ngadto sa mga piskal alang sa ebalwasyon ug posibleng pagpasaka og mga kasong kriminal.
Sigon ni Matibag nga ang mga kaso lapas na sa pagtino sa probable cause sa NBI ug gisusi na sa mga government prosecutors, kinsa maoy modesisyon kon ang ebidensya igo na ba aron ipasaka ang mga kaso sa korte.
Dugang niini nga ang NBI nagpadayon sa pagsumiter og dugang nga ebidensya aron mapalig-on ang mga kaso sa dili pa kini pormal nga ipasaka sa korte.
Gikumpirma ni Matibag nga ang imbestigasyon sa buhatan nakadeterminar og duha ka proyekto sa ika-3 nga Distrito sa Cebu nga giisip sa NBI nga “ghost projects.”
Bisan pa, nagdumili siya sa pag-ila sa munisipyo diin nahimutang ang mga proyekto o pagbutyag sa mga identidad sa mga giimbestigahan.
Dugang niya nga ang mga indibidwal nga ginganlan sa imbestigasyon adunay higayon nga motubag sa mga pasangil sa higayon nga ang mga piskal sa gobyerno mo-isyu og mga subpoena.
