Nipasalig ang National Disaster Risk Reduction Management Council (NDRRMC) nga maayo ug andam ang local ug regional operations sa local government units sa posibleng epekto sa bagyong Marce sa nasud.
Nagpahigayon og tigom si Department of National Defense (DND) Secretary Gilberto Teodoro Jr. kinsa maoy nagdumala isip chairman sa NDRRMC uban sa mga opisyal sa Office of Civil Defense nga naglakip nila ni Civil Defense Administrator Undersecretary Ariel Nepomuceno, Assistant Secretary Bernardo Rafaelito Alejandro IV ug Assistant Secretary Jekereen Joy Casipit.
Kini aron tukion ang kaandam sa LGU’s sa posibleng pagkuso-kuso ni Marce.
Aktibo usab nga gimonitor sa maong mga ahensya ang assignment ug pagpangandam alang sa seguridad sa mga komunidad nga posibleng maapektuhan sa bagyong Marce.
Sa pagkakaron, gipahinumdoman sa NDRRMC ang tanang residente nga magpabiling mabinantayon ug padayon nga maminaw sa mga abiso nga giluwat sa ilang mga LGU’s.
