Gitutokan sa National Electrification Administration (NEA) ang mga electric cooperatives alang sa epekto sa bagyong Nica sa power sector.
Diin gipalihok sa NEA ang mga EC aron bantayan ang linya sa kuryente ug suplay samtang ang bagyong Nica nagpadayon sa pag-agi sa halapad nga yuta sa Northern Luzon.
Tambag sa ahensya ngadto sa mga EC nga kinahanglang ipahigayon dayon ang restoration sa mga lugar nga temporaryong naputlan sa suplay sa kuryente isip panagana batok sa epekto sa bagyo.
Hinuon, gisiguro sa ahensya ang kaluwasan sa mga konsumidor ug linemen sa kuryente, ilabi na sa mga hulga nga gipahinabo sa mga nangatumba nga poste sa kuryente, naputol nga mga wire sa kuryente, ug uban pa nga may kalabotan sa sektor sa kuryente.
Samtang, gipasumiter usab sa NEA ang mga EC og tukma sa panahon nga power situation report bahin sa epekto sa maong bagyo.
