Nipadayag ang Department of Economy, Planning, and Development sa ilang suporta sa gisugyot nga pagkunhod sa value-added tax (VAT) aron maibanan ang palas-anon sa publiko, samtang ang Department of Finance (DOF) nagpabilin nga walay opisyal nga baruganan.
Kini nga pahayag nagsunod sa pangutana ni Batangas 1st District Rep. Leandro Leviste sa House of Representatives kung kinsa ang nagbabag sa nahisgutang buhis.
Sumala ni Sec. Arsenio Balisacan, uyon siya sa pagkunhod sa VAT apan kinahanglan niyang hunahunaon ang epekto niini sa pagkolekta sa pondo sa gobyerno.
Giinsistir usab sa kalihim nga kinahanglan mangita og alternatibong tinubdan sa pondo kung ang buhis mokunhod.
Samtang, giangkon ni DOF Usec. Karlo Adriano nga ang ilang ahensya wala pa makapagawas og opisyal nga position paper bahin sa isyu.
