Nipasalig ang NEDA nga ang gobyerno magpadayon sa ilang paningkamot aron matubag ug maseguro ang food security taliwala sa paspas nga inflation ug hulga sa La Niña.
Matod ni NEDA Secretary Arsenio Balisacan, lakip sa mga interbensyon nga gilatid sa gobyerno mao ang Rice for All program sa Department of Agriculture nga gilusad niadtong Agosto 1, aron mapagaan ang palas-anon sa publiko sa kamahal sa bugas.
Sa pagpangandam sa La Niña, gisiguro usab sa DA nga adunay dali nga pagtubag sa pundo, tabang, kredito, ug seed buffer stock nga magamit.
Ingon man ang pagpadali sa ahensya sa pag-declogging sa mga drainage system sa umahan ug ang pagtukod sa mga water impounding projects ug post-harvest facilities.
Aron matabangan ang mga mag-uuma nga adunay taas nga presyo sa gasolina, ang DA maghatag og gibana-bana nga P510 milyon nga subsidy sa gasolina alang sa mga mag-uuma sa pananom, kahayupan ug manok.
Gipaabot nga moabot sa 160,000 ka mag-uuma ang makabenepisyo sa 3,000 pesos nga fuel assistance karong Agosto ug Septiyembre.
Nasayran nga nipaspas ang inflation rate sa nasud ngadto sa 4.4% sa buwan sa Hulyo, gikan sa 3.7 sa Hunyo.
