CEBU CITY-Nanghinaot ang usa ka doktor nga adunay espesyal nga sakyanan alang sa mga doctor ug nurse aron dili maglisod sa ilang pagreport sa trabaho ang anaa sa mga hospital.
Kini ang nahimong pamahayag ni Dr. Rene Josef Bullecer, International Human Life Advocate sa sitwasyon sa pipila ka mga trabahante sa hospital nga daw sama nga gilikayan na kini sila karon sa uban gumikan sa kahadlok nga sila matud pa ang magdala pa hinuon sa sakit nga coronavirus disease.
Matud ni Dr. Bullecer nga kinahanglang dili i-tratar nga daw ‘carrier’ sa covid-19 ang mga nurses, doctors ug uban pa’ng mga nagtrabaho sa hospital sanglit sila mismo ang nag-asikaso sa mga apektado sa maong makamatay’ng sakit.
Sigon pa ni Bullecer nga kunga nahimo sa ubang departamento sa gobyerno nga maka-provide og sakyanan alang sa mga trabahante, kinahanglan usab nga hatagan og pagtagad ang mga nag-atiman sa mga pasyente nga anaa sa hospital.
