Nihatag sa iyahang habig si Atty. Jesher M. Radaza ang Officer-in- charge sa Security and exchange Commission (SEC) Cebu extension office kabahin sa nasagubang nga 12 million nga kantidad sa multa sa Villar Land Holdings Corporation, tungod sa pakyas nga pagsumiter niini sa financial statement report.
Atol sa iksklusibong pakighinabi sa Bombo Radyo Cebu kang Atty. Radaza, iyahang naasoy nga usa sa mga Market and Securities and Regulations Department sa head office sa maong buhatan, ni-isyu og administrative order kaniadtong Lunes, Agosto 18.
Sa maong order, nagmando usab sa Villar Land nga mobayad og administrative fine nga P2,000 sa matag adlaw sa matag pakyas sa pagsumitir sa 2024 ug unang quarter sa 2025 nga mga reports, gumikan kay wala pa kini makasumiti sa mga taho sugod Hulyo 1 hangtud nga masumiter na ang ilahang financial statement ug ang 1st quarter report.
Apan, dugang pa niya, ang mga officers ug ang corporation gihatagan pa og lugway sulod sa 10 ka adlaw nga mohatag sa ilahang habig nga daw nganung dili sila liable administratively sa maong penalty nga na-imposed ngadto kanila.
Gipunting usab sa maong abogado nga mas bug-at ang regulasyon o mas stikto ang lakang sa Villar Land Holdings Corporation kay usa kini ka public corporation, nga matod niya, nagpasabot nga aduna kini “public investors,” diin ang mga investors gikinahanglan nga masayud sa sunod nga mga lakang nga angay buhaton.
Tataw ni Atty. Radaza, kaniadto pang Abril 1 unta nga angay mosumiter ang maong korporasyon, apan nihangyo kini nga ilugway ngadto sa hinapos nga bahin sa Abril. Apan, subling ga hangyo-lubo kini nga ibutang sa Hunyo 30 ang deadline nga gipangayo sa buhatan sa mga financial reports niini.
Busa, ligdong ang baruganan niini nga dili na rasonable nga ma-utrohan og lugway kay nagkinhanglan man og transparency ug proteksyon ang mga investors kabahin sa report nga angay isumiter sa Villar Land Holdings Corporation, nga bisan og nag-file pa kini og Motion for Reconsideration tungod kay sa probation sa balaod sa Securities Regulation Code nag-require nga mosumiter kini sa ilahang on time reports, diin gasunod ra usab ang SEC sa mando aron ma protekahan ang mga investors sa nahisgutang korporasyon.
Ang Villar Land Holdings, ang real estate firm gipanag-iya sa tycoon ug kanhi senador Manny Villar.
