Nipahibalo si Assistant Ombudsman Mico Clavano nga ang Ombudsman nimando sa dinaliang koordinasyon sa National Bureau of Investigation (NBI) uban sa Bureau of Fire Protection (BFP) nunot sa sunog nga miulbo sa Department of Public Works and Highways (DPWH) building sa Quezon City.
Tumong sa gilayon nga gipagawas nga direktiba nga mahibaw-an ang hinungdan sa sunog ug masuta kon ‘arson’ ba ang motibo sa panghitabo.
Busa, tinguha usab sa maong kamanduan nga maklaro ang akto kun ugaling tinuyo ang pagkasunog sa building sa DPWH.
Kasamtangang gisusi sa Office of the Ombudsman ang anomaliya sa flood control projects nga maoy gitutokan usab sa DPWH.
Ubay-ubay nga kanhi opisyal sa maong departamento ang nalambigit sa kontrobersiya ilabi na sa mga ‘substandard’ ug ‘ghost projects’.
