Nagpagawas og bag-ong kanta ang OPM rock icon nga si Bamboo Mañalac human sa 11 ka tuig nga wala paghimo og bag-ong mga single.
Ang maong kanta nga nag-ulohan og “Alon” nga naghisgot sa mga kasamtangang isyu sa politika sa nasod mao ang iyang pinaka-una nga gipagawas nga kanta sukad niadtong 2015 diin iyang gipagawas ang album ug carrier track nga “Bless The Mess”.
Gibutyag ni Bamboo nga nakaamgo siya nga mao na kini ang hustong panahon aron magpagawas og bag-ong musika.
Matod niya, ang kanta puno sa emosyon ug naggikan sa lalom nga pagbati sa kasakit ug mga kasaysayan sa palibot.
Gipasabot sa singer nga bisan wala siya nagpagawas og bag-ong kanta sa nakalabay nga kapin usa ka dekada, nagpadayon gihapon siya sa pagpasundayag sa mga konsyerto sa sulod ug gawas sa nasod, samtang nakatutok usab sa nagkalain-laing kolaborasyon uban sa ubang mga musikero.
