BAGUIO CITY — Nagtinguha karon ang konseho nga mapasar ang ordinansahon nga nagdili sa pagsingit sa linya.
Kini aron nga mahimong patas ang mga naglinya sa bisan asa nga mga establisimento ug malikayan ang mga kagubot ug walay pagsinabtanay tungod lang sa pagsingit sa linya.
Matud ni Konsehal Joeal Alangsab, wala masunod sa uban pa ang “first come, first serve” nga patakaran.
Dugang pa niini nga mas maayo nga ang maong polisiya isip line numbering.
Kung mapasar man kini, multahan ang makalapas og 1,000 pesos alang sa first offense, 2,000 pesos alang sa second offense, ug 3,000 pesos alang sa third offense.
Tungod niini, gipaboran sa mga taga-Baguio City ang maong ordinansahon aron mamahimong “fair” alang sa tanang mga naglinya sa bisan unsa man nga transaksyon.
Apan nakita sa sociologist nga si Prof. Jimmy Naval nga dili na kinahanglang maghimo og ordinansa inay mas maayong sulbaron sa tagsa-tagsa ka mga indibidwal ang pagsingit sa linya.
Matud ni Naval nga disiplina lang ang gikinahanglan ug pagsinabtanay lang sa matag usa.
Tipik lang ang maong ordinansahon sa mga linahi apan mahinungdanong mga ordinansa nga gipatuman sa Baguio City alang sa maayong pamatasan.
Sama lang sa pagdili sa pagpamalikas sa publiko, pagdili sa paggamit og gadgets samtang naglakaw sa dalan, ug pagdili sa mga tsismis sa kilid-kiliran.
