Gipakaylap sa Overseas Workers Welfare Administration (OWWA) Regional Welfare Office 7 ang listahan sa mga emergency hotline numbers aron masiguro ang paspas nga pagtubag sa mga kinahanglanon sa mga Overseas Filipino Workers (OFWs) ug ilang mga pamilya, ilabi na kadtong anaa sa Middle East ug Israel.
Kini nga lakang nagtumong sa paghatag og dinaliang tabang ug giya alang sa bisan unsang emerhensya o mga kabalaka nga may kalabutan sa ilang trabaho ug kahimtang sa gawas sa nasud.
Mahimo usab tawagan ang OWWA Hotline 1348 (Metro Manila) o pinaagi sa Viber (+63 915-079-5005) alang sa 24/7 nga serbisyo.
Giawhag ang tanang OFWs ug ilang mga kabanay sa pag-save niini nga mga numero alang sa dinaliang panginahanglan. Ang OWWA-7 nagpabilin nga andam sa pag-alagad sa matag “Bagong Bayani.”
